مساء الخير 😁
أنهدرة هاجاوب أول سؤال من البوست الخاص بأسئلة الجمهور و السؤال هو "كيف هم أهل اليابان و كيف يتم التعامل معهم" 💁♀️
أنهدرة هاجاوب أول سؤال من البوست الخاص بأسئلة الجمهور و السؤال هو "كيف هم أهل اليابان و كيف يتم التعامل معهم" 💁♀️
أهل أرض الشمس المشرقة هما لو لخصنا الدينا بشكلا عام كده نقدر نقول عليهم "هما شعب مجتهد يعمل من أجل مصلحة المجتمع" و ده من زمان علي فكرة حتي من أيام القطاعات بس زادت بعد فترة ما بعد الحرب العالمية الثانية و هي فكرة كلنا علي قلب بعض و روح الفريق... إلخ 💪
و نقدر نقول أن هو بالشكل ده شعب مش أناني في حقة و لكن بسبب أفلته علي نفسة و إنفتاحة علي العالم في فترة أخر ال٧٠ - يعني مش فترة بعيدة أوي - كتير من الجيل القديم مش بيعرف يتعامل مع الأجانب و لحد أنهدرة، كتير من اليابانين متوقعين إن الناس لازم تعرف طباعهم بشكل كبير عشان لما يروحوا اليابان يعرفوا يتعاملوا معاهم إزاي، يعني مثلا تعرف إن اليابان ليها أيام للقمامة معينة و كل يوم مثلا بيكون مخصص للقمامة دي، يعني في يوم البلاستيك و يوم للبواقي الأكل... إلخ، طبعا دي شوية ممكن تدوخ الناس إلي نويه تعيش في اليابان لإن علي حد علمي محدش بيقولك لما تروح بلد معنية علي الثقافة بتاعتها عاملة إزاي و طبعا اليابان نقدر نقول إنهم شعب له قواعد كتير و مش كلنا عارفين الدينا ماشية إزاي هناك برضة 🤷♀️
مثلا كنت سمعت حاجة عن الزوار إلي بيجوا سياحة مثلا من أمريكا، في أمريكا عادي إن الناس تاكل في المترو لكن في اليابان ده مش مستحب و لو حد ياباني ممكن بيشوف المنظر ده بيضايقه بس مش بيعلق عليه و دي حاجة غريبة الصراحة، في توقع لفهم الدينا عندهم لكن محدش بيقول حاجة منهم فشوية ده بيدي فكرة "أنا مش عارف هو بيفكر في إيه" و دي ممكن تخلي التعامل مع اليابانين شوية محير 🤷♂️
في شعبة تانية و هما الناس إلي بتسافر بره اليابان أو إلي عندهم الرغبة في الإختلاط مع ناس من دول تاينة، دول أسهل بكتير في التعامل لإنهم عندهم فكرة مثلا أنه يوضح العادات و التقاليد الخاصة بيهم لأصدقائهم الأجانب و أنا أتعاملت مع يابانين عايشين في مصر و عندهم حب للثقافة المصرية و هما شخصيات دمها خفيف و ممكن مثلا لو حصل عادة مصرية بيكون في تفهم إن ده جزء من الثقافة بتاعتنا و في بعض الأحيان هتلاقي في حديث عن إختلاف الثقافات و من هنا الواحد إتعرف علي حاجات كتير عنهم بالشكل ده، مثلا اليابانين مش بيحبوا السلام إلي عندنا إلي متعارف عليه في مصر، السلام بتاعهم بيكون زي "هاي إزيك، يلا بينا" لكن لو صحاب بنات مثلا بالحضن 😂 دي عند اليابانين حاجة غربية جدا 😂😂
التعامل معاهم في الغالب هيكون بصيغة الإحترام و مش بطاقة عالية أوي في الأول و إنهم يكون ليهم مساحة شخصية و طبعا عدم التحدث في الأمور الشخصية و في الغالب أفضل طريقة لإفتتاح الحديث معاهم هيكون عن التحدث عن الإختلافات بين اليابان و الدولة بتاعتك، بلاش كلام عن الأنمي و حوار الأوتاكو ده مش محبوب بالمرة، ممكن الكلام في الدراما، الموضة، التاريخ، الأكل الياباني، اللغة اليابانية... إلخ طبعا ممكن الواحد يتكلم عن شغله أو الهواية بتاعته أو رغبته في زيارة اليابان - مش أنمي 😂
إما لو الواحد راح اليابان و طريقة التعامل مع اليابانين - من إلي سمعته - إن لو الواحد بتكلم ياباني اليابانين رد فعلهم بيكون في مفاجئة ليهم و بيكون في فضول يعرفوا إزاى بيتكلم ياباني و منين جاي و عوزين يعرفوا عن البلد إلي جاي منها لكن مرة تانية ممكن يطلع تصرف مش ماشي مع الثقافة اليابانية و محدش بيعلق و إذا لازم إلي حدما نأخد بالنا و نسأل برضه لو التصرف ده صح أو غلط و هما هيجاوبوا و لكن طبعا يكون بإسلوب محترم لإن للأسف في اليابان في فكرة مش كويسه عن الإجانب و ده ممكن يكون بسبب حوار التصرفات إلي مش بتمشي مع الثقافة اليابانية 🤦♀️
طبعا الموضوع كبير و صعب إني أحط كل حاجة في موضوع واحد فلو في سؤال محدد فى الموضوع ده ياريت تحطوا في التعليقات و هاعمل بوست تأنى أرد عليكم فيه و يارب يكون الموضوع كان مفيد ليكم و تكونوا إستمتعوا بيه 😁
