مساء الخير 😁
النهارده هاجاوب علي إسئلة الجمهور و السؤال بتاع المرة دي عن مجال الشغل للأجانب في اليابان و الهجرة للهناك 💁♀️
يمكن ناس كتير متعرفش النقطة دي و لكن اليابان من الدول إلي مش بتسمح للحصول علي عده جنسيات و لكن ممكن تدي إقامات و لكن للحصول علي الإقامة بيكون ليها شروط زي زواج إجنبية من ياباني مثلا بس أنا مش هتكلم عن النقطة دي لإن مش عندي فيها خبرة حاليا و لكن هاتكلم عن نوعية التأشيرة إلي تساعد علي حصول عمل للأجانب في اليابان و نوعية الأعمال 👨💼
بالنسبة لنوعية التأشيرة الأول في ٣ أنواع متاحة للمصرين و هما : السياحية و الدراسية و العمل، السياحية باينه من إسمها بس قانونا لو حد حاول يشتغل بيها هيعاقب و لكن فيزا الدراسة و العمل تسمح بالشغل في اليابان 👷♂️
في نوع فيزا تانية بس مش متاحة في مصر لكن ممكن تكون متاحة في دول أخري و هي فيزا الworking holiday و دي بتكون فيزا تجمع بين السياحة و العمل و لكن علي حسب علمي تساعد بس في الحصول علي أعمال دوام جزئي بس زي الشغل عاملة في السوبر ماركت أو في كافيهات... إلخ 😁
فيزا الدراسة بتكون في حالة الدراسة سواء بمنحة أو دراسة مدفوعة علي حساب الدارس و بتكون بين شهر ل٦ شهور علي حد علمي (مش متأكدة لو في مدد أطول أو لا الصراحة) لكن بتجدد و يفضل انها تتجدد قبل الإنتهاء بشهر لإن الإجرائات الخاصة بيها بتاخد وقت و كمان في عقوبة لو متجددتش في وقتها و فيزا الشغل عليها نفس الكلام ده و لكن هي بتكون في حالة الشغل 💁♂️
طب إيه الشغل إلى ممكن أعمله بفيزا دارسية لو أنا طالب 🤔 ؟
الحاجات بتاعت الدوام الجزئي زي عامل في سوبر ماركت أو في كافية أو حاجات زي دي، يعني من الأخر الشغل إلي مش محتاج خبرة سابقة في مجال معين 💃
طب إيه الشغل إلي ممكن أشتغله كأجنبيى و هل محتاج الياباني في شغلي 🤔 ؟
هنا بقي الدينا بتكون غريبة شوية لإن في شغل مش طالب تكون دارس ياباني و غالبا هتكون حاجات بحثية بالذات مجال البرمجة و الذكاء الإصتناعى و في مجالات تانية مش بحثية زي الطب و الهندسة، و يوجد عموما مكاتب خدمات ممكن بيشتغل فيها أجانب بتكون ليها علاقة بالحاجات السياحية أكتر بس دي عوزة لغة ياباني، و في شغل في التمثيل و المودلين و لكن نوعية الشغل دي مش مستقرة و بحكم إنها بعقد مؤقت بيكون صعب الحصول علي فيزا عمل فيها بس طبعا عوزة لغة ياباني بشكل أساسي فيها، بس ممكن الناس تشتغل في المجال ده بالفيزا الدراسية في حالة لو دوام جزئي لكن الشغل في الميديا اليابانية متعب جدا الصارحة و مدمر و ماحبش ارحشه لحد و لو شوفتوا البوست الخاص بالشغل إلي نزلته الفترة الي فاتت عن طبيعية الشغل في اليابان و عرفتوا إن الشغل العادي صعب فالشغل في مجال ال showbuss في اليابان أصعب بمراحل و شروطه صعبه جدا كمان زي مفيش جواز أو لكن تكون في وزن معين.... إلخ، من الأخر أنت ملك للجمهور مش ملك نفسك 😥
و في شغل تدريس اللغة الإنجليزية في المدارس أو للكبار و لكن ده بيكون مطلوب فيه تعرف ياباني عموما أو تدريس لغات تانية يعني مثلا في دراسة لغة عربية في جامعة كيوتو فأكيد هيكونوا محتاجين حد عربي الأصل عشان يدرس هناك و للعلم طلع في مدرسة بتدرس اللغة العربية المصرية هناك 🤣 أيون في مكان مخصص لدراسة اللهجة المصرية بس في اليابان، مصر معدية آوى هناك 😂
غير كده بسبب قلة السكان في اليابان في أشغال للأجانب إلى من ناحية أقصي أسيا زي الصين و كوريا و كده و بيكونوا في مجالات العمالة زي البناء و الخدمات و في بعض الأحيان في شركات توصيل زي أوبر ممكن بتعين ناس معاها ياباني و لغة تانية عشان الأجانب الي بيزوروا اليابان و محتاجين سائق تاكسي يفهمهم - بس حابه أوضح إن التاكسي غالي جدا في اليابان بشكل غير عادي فلو رايحين سياحة و مش عوزين تصرفوا كتير بلاش تركبوا تاكسي خالص 😂
طبعا شغل الترجمة مطلوب بالذات في الحاجات القانونية و إلي حدما في إزمة حاليا في عدد العمالة في المجال ده و مع زيادة الأجانب في توكيو بالذات بيكونوا محتاجين زي محامي معاه إنجليزي جنب الياباني و دي حاجة نادره بشكل كبير و في بعض الأماكن بتاعت بيع و شراء بتدور علي ناس تتكلم ياباني و إنجليزي برضه عشان التعامل مع العملاء الأجانب عموما مثلا زي star bucks عشان ده مكان معروف جدا و له زوار كتار من يابانين علي أجانب و موجود في حتت كتير في اليابان كمان ☕
و في مجال الشغل الأولين كمان في مجالات زي تحريك الشخصيات في الإنمي أو نشر منجا للرسامين الأجانب و دي مش حاجة غربية لإن اليابان فيها إزمه عماله حتي في مجال الإنمي و المنجا، في إستديوهات بتعين رسامين من الصين و الهند بحكم إن المرتب بتاع المجالات دي قليل لليابانين بس مناسب للناس من بعض دول أقصي شرق آسيا و بيكون الشغل كله أولين و بيكون مطلوب معرفة بعض الياباني الخاص بالشغل ده للعلم بالشئ، عموما إلي يحب يجرب يشتغل في المجال ده ممكن يعرض الشغل بتاعه علي توتير لإن في بحث دائم من الإستديوهات علي رسامين للشغل معاهم بس حطوا هاش تاج ياباني زي アニメ (أنمي) أو マンガ/漫画 (منجا)، أما للمنجا فى موقع إسمه medibang و هو بيقدم مسابقات منجا عالمية مع شركة shonen jump من إجل إنهم ينشروا شغل الناس الأجانب باللغة الإنجليزية و ممكن يقوموا بترجمه الشغل ده للياباني كمان بشكل منجا رقمية و ده زي ردهم علي webtoons الكورية إلي أصحبت رائده في مجال الكوميكس الرقمية كمان و طريقة اليابان من أجل التنافس في المجال بتاع القصص المصورة 😁
حبه بس أفكر الناس إلي بتدور علي شغل في اليابان إن مش كل أنواع الشغل بتوفر مكان للإقامة للأجانب فالأفضل تتأكدوا من النقطة دي أو تدوروا كويس علي أماكن سكن و كمان ممكن يكون المرتب إلي حدما أقل لبعض من الأجانب من اليابانين و لكن دي مش قاعدة عامة برضة و أخر نقطة أحب ألفت النظر عليها هو إن هيكون علي العامل الأجنبي ضرائب خاصة حسب طبيعة الشغل و مكان الإقامة يعني مثلا ضرائب توكيو أعلى من ضرائب كيوتو و هكذا و الأفضل إن يكون في مراجعة بشكل مستمر علي المصروفات و الإحتفاظ بالفواتير بتاعت كل حاجة بيتصرف عليها لإن في بعض الأحيان ممكن الإجنبي ياخد خصم ضريبي كمان فإعملوا حسابكم إنكم تعرفوا حوار الضرائب ده كويس 💱
أتمني يكون البوست عجبكم و تكونوا إستفدتوا منه 😁
