عودة أنمي داي الشجاع بشكل جديد 💪

خبر لطيف لكل محبي الأنمي بالذات الناس إلي كبرت علي مسلسل "داي الشجاع" علي أيام جيل spacetoon 💁‍♀️

فى خريف ٢٠٢٠ هينزل إنمي داي الشجاع إلي هيتم إعادة تصنيعه لجيل جديد من متابعي الأنمي 😁

الأنمي ده في الأصل مبني علي سلسلة Dragoon Quest الشهيرة و هي سلسلة جيمز مشهورة جدا في اليابان من نوع ألعاب ال RPG و مصمم الشخصيات بتاعت السلسلة دي هو رسام المنجا المشهور أكيرا توريياما المعروف بسلسلة Dragon Ball الشهيرة عشان كده السلسلة دي تحمل إسم Dragon فيها رمزا لشغله في الجزء الخاص بتصميم الشخصيات 💁‍♂️

مغامرات داي الشجاع هي في الأصل منجا و لكن مستوحاه من سلسلة Dragon Quest و وقت إصدار المنجا كان من سنة ١٩٨٩ لسنة ١٩٩٦ بعدد ٣٧ مجلد منجا و بأنمي نزل في سنة ١٩٩١ لسنة ١٩٩٢ ب٤٦ حلقة ✒️

إما بالنسبة لسلسة Dragon Quest فهي سلسلة جيمز مشهورة جدا في اليابان و ليها تاريخ كبير هناك و لكن الغرب إتعرف علي السلسلة فى فترة نص ال٢٠٠٠ مع إن السلسلة دي موجودة في اليابان من سنة ١٩٨٦ يعني أقدم من سلسلة Final Fantasy الشهيرة و الغرب عرفها بعدها بحوالي ٢٠ سنة و يمكن ناس كتير عرفت السلسلة دي من الجزء ال١١ عن طريق لعبة Dragon Quest XI إلى نزلت في اليابان في ٢٠١٧ و في الغرب ٢٠١٨ و الشركة المنتجة لسلسة Dragon Quest هي نفس الشركة وراء سلسلة Final Fantasy كمان و نفس الشركة الناشرة لمنجا Full Metal Alchemist و هي شركة Square Enix 🎮

خلينا فاكرين إن في ال٩٠ طرق نشر دعاية الجيمز كانت عن طريق الأنمي و المنجا و حتي ده حصل في سلسلة بوكيمون و ديجيمون (أبطال الديجيتال) و طبعا بحكم شهرة سلسلة الجيم إتعمل عليها إقتباس مش كامل للمنجا الإساسية و السؤال هنا بقي هيكون هل الأنمي الجديد ده هيمثل المنجا إم الإقتباس بتاع الأنمي بتاع ١٩٩١ إلي في الغالب ماكنش مغطي أحداث المنجا بشكل كامل 🤔

أنا أتمني ياخد شكل المنجا لأن كلنا ممكن نرجع و نشوف الأنمي القديم فإي وقت بس أنا أحب أشوف القصة الأساسية بشكل كامل من المصدر الصراحة و عموما ده الإعلان الرسمي الياباني الخاص بالأنمي و يارب يعجبكم جميعا 💁‍♀️
https://youtu.be/c9swwJQtb9s