الكوزبلاير المصرين في مسابقة نيكسوس 💃 💃

أخبار حلوة لمحبي الكوزبلاي المصري 😁

تم إختيار ٣ كوزبلاير مصرين عشان يشاركوا في مسابقة نيكسوس المقامة بالرياض و إلي فتحت أبواب المسابقة بتاعتها للكوزبلاير من كل أنحاء العالم و نقدر نقول إنها كانت زي مسابقة دولية مقامة في الرياض في الكوزبلاي الخاص بجيم leauge of legends و المشاركين المصرين كانوا "سيراج سايلر" إلي كسب المركز الثالث و شارك كمان "محمود دي سعيد" و "ماجي بيكاتشان" - للعلم دي الأسماء إلي هما معروفين بيها وسط المجتمع الخاص بالكوزبلاي 💁‍♀️

الأفنت ده كان في الرياض من ٥ ل٧ ديسمبر ٢٠١٩ و كانت فيه دوري خاص بلعبة league of legends و الأفنت كان كبير جدا و معمول بشكل عالمي و حتي تم بثه أحداث ال٣ أيام بشكل مباشر علي قناة اليوتوب الرسمية الخاصة بصفحة league of legends Arabia و كمان كان في تغطية خاصه من عرب هاردوير زي ما قاموا بتغطية أفنت إنسومينا ٢٠١٩ في مصر و كانوا عاملين شغل حلو فعلا في الحاجات الخاصة بإنسوميا 💁‍♂️

في إتجاه قوي في الوطن العربي في مجال الesport و مصر كمان فيها بطولات لكن بشكل مصغر عن الأفنت بتاع نيكسوس و لكن في فرق من مصر وصلت إنها تتنافس في مسابقات في دول أخري و حتي في اليابان الesport له مكان كبير و من كام شهر حتي اليابان إستضافت أول بطولة ألعاب إلكترونية لذوي الاحتياجات الخاصة 😁

فعلا في أخر كام سنة حصل إنتشار كبير في نوعية الألعاب دي علي مستوي العالم كمان و أعتقد هنشوف حاجات أكتر عنها في المستقبل القريب 😁

إلي يحب يتابع الستريم الخاص بنيكسوس يقدر بشوفه علي القناة الرسمية الخاصة بيهم في الرابط ده
https://youtube.com/channel/UCvr5kSzq-uhQ0E4ebXFgK4g

صفحة league of legends arabia الرسمية
https://www.facebook.com/leagueoflegendsarabia/

ماجي بيكاتشان

سيراج سايلر

محمود دي سعيد