و معا في رحلة خاصة بمدينة كيوتو الجميلة و المواضيع الخاصة بيها و النهارده موضوعنا هيكون علي الجيشا اليابانية ❤️
الجيشا اليابانية هن بنات هدفهن تقديم الخدمة الأكبر للزبائن و ده بيكون عن طريق الحديث اللطيف مع الزبائن و لعب بعض من الألعاب التقليدية اليابانية معهم و الرقص التقليدي الياباني و الغناء و العزف على الآلات الموسيقية اليابانية التقليدية كمان، مكان تواجد الجيشا هو ميدان جيون المعروف ببيوت الشاي التقليدية و المحلات الخاصة بزينة الجيشا زي الزينة الخاصة بالشعر مثلا و طبعا سكن الجيشا كمان موجود في جيون ذات نفسها 😁
الجيشا ليها تاريخ طويل و هيكون في مقالة تاريخية تانية خاصة بالجزء ده بس إحنا النهارده عوزين نتكلم علي الجيشا من ناحية "لو حد رايح لكيوتو و عاوز يعرف الحاجات المميزة هناك من الناحية السياحية" و الجيشا هي حاجة في رأيى أساسية في رحلتكم لهناك 👍
الجيشا منها البنات إلى تحت التدريب و المعروفين بإسم المايكو و الأخت الكبري هي الجيشا و بتعرفوهم من رسمة الشفاه فلو الشفاه رسمتها صغيرة إذا دي مايكو و لكن لو الشفايف كلها مرسومة بالأحمر يعني دي الجيشا إلي خلصت تمرينها إلي بيكون في حدود ٥ سنين تحت يد الأوكامي أو الأم الخاصة بالجيشا و دي إلي بتشرف علي الجيشا و الأنشطة بتاعهن و التمرين.... إلخ و طبعا الأخوات الجيشا الكبار برضة يقدمن المساعدة 🏯
ما وراء معني المكياج الخاص بيهن هو الجزء الأبيض إلي مدهون علي الوش و ده قصته في شرق آسيا كان بتحط علي الوش عشان يبين المقام العالي أو إن الجيشا هن مرفقات الطبقة الراقية من المجتمع الياباني القديم و الأحمر يعني شفاة مغلقة و آي حاجة بتتكلم فيها مع البنات دي بتفضل في بير غويط من الأسرار و مش بتخرج منه أبدا عشان كده لو شفتم أنمي و فيه شوجان مثلا هتلاقوا إن إلي بتقوم بالتسلية بتاعه هي الجيشا لإنهم و هما سكاري ممكن يلفظوا ببعض الأسرار بس عمرها ما طلعت من بيوت الشاي إلي شغالة فيها الجيشا ⛩️
الجيشا مش كتار آوي الأيام دي في اليابان و أصبحت حاجة نادرة لدرجة إن كتير من اليابانين عمرهم ما شافوا الجيشا و يادوب سمعموا عنها بحكم إنها جزء من التاريخ بتاعهم و السبب في ندره عدد الجيشا الأيام دي هي قواعد الجيشا الصارمة في إسلوب الحياة الخاصة بيهن و أهمها مرافقة الزبون بشكل يخلية مبسوط (لا يمضن إي حاجة خارجة عن الأخلاق بالمناسبة لإن ده ممنوع) و عشان كده الجيشا ممنوعة عن الحب و الجواز غير كده تمرين الجيشا بيكون صعبة لإنهن في تمارين بشكل دايم عن طرق الكلام، الفنون اليابانية التقليدية زي العزف و الرقص، مساعدة الأخوات الكبار في اللبس و المهام المنزلية للمايكو، تعليم طرق المكياج الخاصة بالجيشا و طريقة المشئ باللبس بتاعهم الي بيكون طبقات من الحرير فوق بعض و فى بعض الأحيان بيوصل ل١٠ كليو، النوم علي مكعب من الخشب لأن تسريحه الجيشا مش بتتعمل كل يوم لا دي مرة في الاسبوع بس و بتحافظ عليها عن طريق النوم و رفع مستوى الرأس عن الأرض بإستخدام المكعب الخشبي تحت الرقبة لإن ليها طريقة معينة في التسريح و بتاخد وقت كبير لحد ما بتعمل و بتكون عند حد معين في ميدان جيون برضة و حاجات تاينة بس دول أهم نقط 💁♀️
ممكن لو رايحين ميدان جيون تكونوا محظوظين و تشوفوا الجيشا الجميلة و لكن لو عوزين تقضوا وقت معاهن ممكن يتم حجز معاد في واحد من بيوت الشاي إلي في جيون و طلب الجيشا كمرافق بس خلو بالكم إن أسعار الجيشا ممكن تكون غالية (الساعة من ٥٠ دولار فيما فوق) و لكن هي تجربة مميزة جدا و في رأيى هتكون تجرية جميلة لو قررتم و تخضوا التجربة دي 😁
