مساء الخير!! 👋
يارب ديما تكونوا بخير 😊
معايا النهارده البوست الخاص بالمنجا إلي أحب أرشحها لآي حد بيتعلم ياباني و هي منجا "يوتسوباتو" و يوتسوبا المعنى الحرفي ليها هي "زهرة البرسيم" إلي معروفه إنها جالبة للحظ لو الزهرة دي مكونة من أربعة ورقيات شجرية، الفكرة دي أساس تصميم شكل الشخصية الأساسية إلي حتي شعرها و لون عينها قريب من الأخضر بتاع زهرة البرسيم كمان 😁
يارب ديما تكونوا بخير 😊
معايا النهارده البوست الخاص بالمنجا إلي أحب أرشحها لآي حد بيتعلم ياباني و هي منجا "يوتسوباتو" و يوتسوبا المعنى الحرفي ليها هي "زهرة البرسيم" إلي معروفه إنها جالبة للحظ لو الزهرة دي مكونة من أربعة ورقيات شجرية، الفكرة دي أساس تصميم شكل الشخصية الأساسية إلي حتي شعرها و لون عينها قريب من الأخضر بتاع زهرة البرسيم كمان 😁
القصة بتبدأ لما يوتسوبا و والدها بينتقلوا للعيش في مدينة جديدة و من هنا مغامرات الفتاة الصغيرة البالغة من العمر خمس سنوات بتبدأ و المغامرات دي بتكون في إكتشاف العالم من حواليها بعيون طفلة عندها فضول شديد لإكتشاف العالم لأول مرة، القصة دمهما خفيف و فيها مواقف كتير كوميدي و هتلخي الواحد يضحك من المواقف دي 😆
طيب ليه دي منجا مناسبه للناس إلي بتتعلم ياباني؟ أولا سهل إن الواحد يجدها، هي موجوده في مكتبة مؤسسة اليابان و كمان سهل إن الواحد يلاقي النسخة الياباني علي النت لأنها من أشهر المنجا المعروفة في اليابان، غير إنها منجا في الأصل للأطفال و عشان كده الياباني بتاعها أبسط من حاجات زي "ناروتو" أو "وان بيس"، إلا أني حسيت إنها مناسبة جدا لأي شخص بالغ إنه يقرأها و يستمع بيها زي ما بنشوف "توم أند جيري" أو "سوكوبي دو" و إحنا كبار 🤣
الياباني بتاع المنجا دي كله بالفوريجانا و الكانجي المستخدم مش صعب و الشخصية الأساسية يوتسوبا الكلام بتاعها كله بالهيراجانا عشان يميز إنها طفلة صغيرة غير إن الرسم بتاع المنجا دي جميل جدا و مريح للأعصاب و شكل الشخصيات بيسط و مش مكلكع زي تصيصم "يوجي أوه" مثلا، بالعكس الشخصيات أقرب لشكل بتاع "فول ميتال ألكيمست" إلي في رائي بيسط و لكن قوي و ده هيخلي جزء من قراء البوست ده يشوف المنجا دي عشان أسلوب الرسم ده، للأسف مفيش أنمي ليوتسوبا حاليا و لكن لو وجد هيكون دمه خفيف جدا و يمكن يكون من الأنميهات إلي مش محتاجة ترجمة عشان تتفهم، عدد المجلدات بتاعها حاليا ١٤ و هي مستمرة 📖
إلى عجبني في المنجا دي إني حسيت إن قرائتها بالياباني آحلي من الإنجليزي مع العلم إن النسخة المترجمة دقيقة لما قارنت النسخة الياباني بالإنجليزي علي النت و لكن في سحر خاص في قرائتها بالياباني آكتر، مثلا في شخصية إسمها "فوكا" و دي بتستخدم أسلوب "السونكيجو" أو أسلوب الإحترام لما بتتعامل مع والد يوتسوبا و دي حاجة صعب إن إحنا نحسها في النسخة الإنجليزي لإن مفيش فكرة "أسلوب مخصوص للتحدث بإحترام بالغ في الإنجليزية" زي ما هو موجود في اليابانية، حتي ده مش موجود في العربية - للعلم أسلوب الإحترام له أفعال خاصة بيه و كلام خاص بيه و تعبيرات خاصة بيه بينما الإنجليزي و العربي يضاف له كلمة "حضرتك" في الكلام إما باقي إسلوب الكلام هو موحد في طريقة التعامل بين الناس بكل طابقاتها 💁♀️
حاجة كمان و هي طبعا هي المؤثرات الصوتية أو "الأونوماتوپه" و دي أصلا بتستخدم في اللغة اليابانية بشكل أساسي و منها كتييييير و دي وجودها بيعبر عن مشاعر معينة للشخصية في المشهد زي لو فرحان هتلاقي مؤثر "أوكيي أوكيي" أو لو حد بيدور علي حاجة "كيورو كيورو"... إلخ يعني فكرة التعبير عن حالة أو كده و لكن في رسمة مش متحركة 💁♂️
من الآخر "يوتسوباتو" هي منجا يابانية دمها خفيف هتكون بداية كويسة للدخول في عالم المنجا باللغة اليابانية و في نفس الوقت هي منجا هتخليك مبسوط و أنت بتقرأها عشان هي مليانة بحاجات كتير دمها خفيف جدا و عشان كده أحب أرشحها ليكم لو إنتو بتتعلموا ياباني و عوزين منجا يابانية سهلة في القرائه 👌
لو رحتوا مؤسسة اليابان هتلاقوا البوستر ده في المكتبة و ده من صنعي الخاص (يدوي 😂) و هتلاقوا المنجا تحت البوستر إبقوا شوفوها و إنتو هناك✌️
