عيد الحب و ما بالك بعيد الحب 😍
كل سنة و أنتو طيبين و بمناسبة عيد الحب النهارده هيكون الموضوع عن عيد الحب في اليابان ❤️
كل سنة و أنتو طيبين و بمناسبة عيد الحب النهارده هيكون الموضوع عن عيد الحب في اليابان ❤️
في اليابان عيد الحب مختلف لأن علي خلاف باقي الدول إلي المعتاد فيها الإحتفال بالمواعدة و في الغالب الطرفين بيكونوا عاملين إستعداد لليوم ده، في اليابان عبد الحب مقسم ليومين عيد الحب ١٤ فبراير و اليوم الأبيض ١٤ مارس 💁♀️
يوم عيد الحب البنت بتقوم يتقديم الشوكولاتة للشباب منها "شوكولاتة إلزامية" و كما يطلق عليها بالياباني "جيري شوكو" و الشوكولاتة الخاصة للشخص إلي معجبه بيه ودي بتكون "فخمة شوية" و هي غالبا شوكولاتة معمولة يدويا و بتكون ملفوفة في ورق هدايا مختلف عن الشوكولاتة الإلزامية إلى بتقدم للزمائل و الأصدقاء و حاليا كمان البنات بقت بتعمل شوكولاتة إلزامية للزميلات البنات كمان كنوع من أنواع إظهار الصداقة بذات لو البنت دي سنجل مثلا فبتكون زي "كلنا سنجل في الهوا سوا" 😆
الشوكولاتة المنزلية هي طريقة غير مباشرة عشان بنت تلمح إنها معجبة بولد و الرد بيكون لو الولد معجب بيها بأنه يجيب ليها مارشملو أبيض في اليوم الأبيض - أو ده المعتاد بس ممكن يجيب آي حاجة تانية عموما - و ده يوم خاص بالشرق الأقصي مش اليابان بس علي فكرة و لكن هو بدأ في اليابان علي أساس ترويج حلوي المارشملو لكن لسببا ما بقي الرد علي هدايا عيد الحب، و زي ما في "شوكولاتة إلزامية" في عيد الحب لازم يكون في "حلوي إلزامية" من الشباب للرد علي هدايا عيد الحب، لو كانت حاجة فخمة إذا ده غالبا رد بالإعجاب للطرف التاني 🥳
و ده كانت طريقة إحتفال عيد الحب في اليابان و طبعا اليابان مليانة زينه و حلويات خاصة بالمناسبة دي كمان، عموما كل سنة و إنتو طيبين و هابي فلانتين 😍
