و عدنا مرة آخري للحاجات الخاصة بكيوتو الجميلة ❤️
و المرة دي عوزه أتكلم عن موسم الساكورا في كيوتو 😁
و المرة دي عوزه أتكلم عن موسم الساكورا في كيوتو 😁
وردة الساكورا من علامات اليابان المميزة و ليها علامة كبيرة في الثقافة اليابانية و هي طبعا بداية الربيع و بداية حاجات كتير في اليابان زي بداية موسم الدراسة أو السنة المالية 💁♀️
في تقليد أسمه "الهانامي" أو 花見 و دي المعني بتاعها مشاهدة الزهور و ده زي أحتفال أو تقليد لليابانين بإنهم يروحوا الحدائق العامة مع العائلة و الأصدقاء و القيام برحلة و معاهم أكل مستوحي من شكل الساكورا و دي بتكون فرصة حلوة للتعرف علي معارف جديدة أو موعد غرامي ليطف و بيكون في أمكان لمشاهدة شكل الشجر الجميل في الحديقة 🌸
موسم "الهانامي" بختلف في كل مكان في اليابان و ده بسبب إختلاف المناخ بحكم إن اليابان دولة شكلها عمودي علي الخريطة و في كيوتو موسم "الهانامي" بيكون في حدود من ٢٠ مارس لنص شهر ٤ و لكن بيكون في قمة التفتح في أول ٤ و ده أحسن وقت لمشاهدة "الهانامي" في كيوتو فلو إنتم هناك في الوقت ده جربوا تروحوا حديقة عامة بغداء علي إستايل الساكورا و إستمتعوا بيومكم هناك ✌️
