و لسه في محطة كيوتو الجميلة و الغنية بالتاريخ و المرة دي هنقف عند معبد "فوشيمي إيناري" و إلي مشهور بأبواب/أعمدة "توري" إلي بتمتد فوق ال٢٠٠ متر للغابة إلي وراء المعبد 💁♀️
"فوشيمي إيناري" هو معبد لديانة الشينتو و ده معبد إلهه الرز و الزراعة "إيناري" و هو مشهور بتماثيل الذئاب إلي تعتبر مرسال إلهه المعبد ده لإن "إيناري" هو الأصل ذئب و تحول لإلهه و يرجع بداية المعبد لسنة ٧٩٤ ميلاديا و معظم السياح بيجوا عشان إكتشاف طريق أبواب/أعمدة "توري" و الوصول لقمة الجبل إلي ممتد عليها أبواب/الأعمدة دي و وقت المشئ بتاع الطريق ده بيكون بين ساعتين لثلاثة ساعات و في نص الطريق في أكشاك أكل و شكل الأكل بيكون مستحوي من من الجو العام للمعبد زي "سوشي الإناري" أو "أودون الكيتسونه" (معنها التعلب) و في تقاطع في نص الطريق ممكن الناس تتفرج منه علي كيوتو من فوق الجبل إسمه "تقاطع يوستوستوجي" 🌸
عدد أبواب/أعمدة التوري حوالي ألف بوابة/عمود و الأبواب/الأعمدة دي تمثل الإنتقال من عالم البشر لعالم الآلهه اليابانية أو بمعني تاني باب لعالم الآلهه و الغالب في كل معبد شينتو يوجد واحدة من الأبواب دي ⛩️
لو إنتو هناك لازم تشوفوا المعبد ده و تشوفوا صف أبواب/أعمدة التوري و تستمتعوا بمنظر كيوتو من أعلي الجبل إلي معمول عليه الأبواب دي ✌️
أعمدة "توري"
من داخل أبواب/أعمدة "توري"
مدخل أبواب/أعمدة "توري"
تقاطع يوتسوتسوجي
