و لسه فى رحلتنا لكيوتو و الزيارة الجاية هي قلعة الذهب أو الكينكاكوجي أو 金閣寺 إلي يترجم حرفيا للمعبد المصنوع من الذهب الخالص 💁♀️
معبد الذهب هو معبد لديانة البوذية و يعد من أشهر الأماكن التاريخة اليابانية و تم إنشائه في ١٣٩٧ و تم ترميمه في ١٩٥٥ بعد ما حصل فيه حريق كبير، المبني من حوالي ٣ أدوار و طولة ١٢ متر و نص و المبني ده كله الخشب بتاعه ملفوف في ورق من الذهب الخالص و عشان كده دخول المعبد ممنوع للأسف و لكن الضيوف بياخدوا جولة حولين المعبد و بيكون في إنشطة زي شراء التذكارات اللطيفة و الأكل الياباني إلي بيكون موجود في أكشاك قريبة من المعبد و ممكن كمان تاخدوا نزهة في حديقة المعبد الجميلة إلي كلها أشجار و في معابد تانية صغيرة ممكن تشوفها كمان 😁
محدش يفوت حاجة من حاجات اليابان النادرة زي قلعة الذهب لإن مفيش مبني تاني في اليابان زي معبد الذهب الخالص ده فلو إنتو هناك لازم تشوفوا المكان ده 🏯
