يوم ٣ مارس من كل سنة هو عيد البنات في اليابان و المعروف بإسم "هينا ماتسوري" و في اليوم ده بيتم تزين البيوت اليابانية بزينة خاصة و هي بتكون دمي زي إلي في الصورة دي و إلي تمثل العائلة الإمبراطورية و المرافقين بتوعهم و العيد ده بدأ في عهد الهيان و إلي كانت من فترة ٧٩٤ ل١١٨٥ ميلاديا أما الدمي ظهرت في عهد الإيدو من ١٦٠٣ ل١٨٦٨ ميلاديا و من ساعتها و هو مستمر بعرض الدمي إلي كانت اليابان القديمة بيعتقد إن الدمي طاردة للأرواح الشريرة 💁♀️
عرائس عيد البنات أو 雛祭り تعد حاجة غالية و ليها معني خاص و هي بتكون في حدود ١٥٠٠ ل ٢٠٠٠ دولار للطقم فممكن نلاقي بعض الناس بتتوارث العرائس دي، أما المعنى الخاص بيها هي جلب الخط للبنات و لكن في إعتقاد غريب و هو إن لو العرائس إتسابت فترة طويلة بره في العرض بتاخر الجواز، دي زي فكرة لو ماشربتش الشاي أو القهوة كلها عند جارك بناته هيتأخر جوازها، إعتقادات غربية سواء في مصر أو اليابان 😅
يتم الإحتفال بعيد البنات لحد سن ال١٠ و طريقة الإحتفال بتكون زي حفلة بنات مع صحابتهن و تبادل الحلوي فيها زي راقائق الزر و الموشي المحلي و غيرها من الحلوي اليابانية 🌸
البوست ده فكرني بعيد الطفل زمان لما كان فيه حلوي بتتوزع علينا في المدارس و النوادي، خسارة إن نوعية الإعياد دي ماعتدش موجودة في مصر بس إتمني أشوفها ترجع و يكون في عيد للبنات و للأولاد و عيد مجمع للأطفال كمان 😁
