فى ٣ ديسمبر ١٩٩٤ تم إصدار البلاي ستيشن الجيل الأول و حاليا إحنا بنحتفل بعيد ميلاد البلاي ستيشن ال٢٥، أيون البلاي ستيشن عنده ٢٥ سنة يا شباب 😂 و دي صورة مجموعة من أصدرات البلاي ستيشن الأول 😁
صحيح!! تعرفوا إيه سبب وجود البلاي ستيشن في الأساس 🤔 ؟
أنا قررت بمناسبة عيد ميلاد البلاي ستيشن ال٢٥ إني أعرفكم عن تاريخ الجهاز ده إلي يعد من أهم الحاجات اليابانية المعروفه لينا 😁
أنا قررت بمناسبة عيد ميلاد البلاي ستيشن ال٢٥ إني أعرفكم عن تاريخ الجهاز ده إلي يعد من أهم الحاجات اليابانية المعروفه لينا 😁
في ال٨٠ و ال٩٠ كانت اليابان ليها سوق جيمز قوي جدا و كان يعد الأقوى في العالم و كان إلي واخد المركز الأول هي شركة نينتندو بلعبة سوبر ماريو الشهيرة إلي كلنا كنا بنلعبها علي "الأتاري" الصيني المضروب ده 😂 و كان في منافسين زي سيجا و شركة أتاري و غيرهم 💁♀️
المهم في الفترة بتاعت النص الأول من ال٩٠ بدأت الشركات تتجه لتكنولوجيا الأقراص المضغوطة أو Compact Disk إلي كلنا عارفينه باسم الCD و كانت الشركات في مرحلة التغير بين شرايط الجميز أو Game Cartilage للتكنولوجيا الCD بحكم إن الأقراص المضغوطة سهله في الإنتاج و مساحتها كبيرة مقارنتا بالشرايط إلي حجمها حوالي ٦٤ ميجا و الCD في حدود ٦٠٠ ميجا و ده طبعا يدي الحرية لمبرمجين الجميز لمساحة أكبر للألعاب بتاعهم و كان ده وقت أخذ قفزة جديدة و هي فقزة ال3d أو ثلاثي الابعاد بدل من الPixel Style القديم و طبعا حجم الجرافيك كان كبير و الCD كان الحاجة الأفضل لحجم الجرافيك دي 💁♀️
في الوقت ده قررت شركة نينتندو إنها تدخل في عالم الCD و للعلم إن شركة نينتندو كانت عاملة إحتكار للسوق بمعني شرائط الجيمز كانت مكلفة جدا و صعبة الإنتاج و نينتندو هي إلي كانت بتحدد عدد النسخ إلي تطبع و هكذا، ده طبعا بحكم إنها كانت الأشهر و الأقوى في السوق فاكان المبرمجين مطرين للتعامل مع "قواعد نينتندو" و المعاملة إلى طلعت روح المبرمجين دول 🤦♂️
المهم نينتندو راحت لسوني عشان يعملوا جهاز مشترك فيه مكان للشرايط و الأقراص المضغوطة تحت إسم "نينتندو بلاي ستيشن" 😂 تخليوا إن ال٢ دول كانوا في يوم من الأيام هيعملوا جهاز واحد 😂 حاجة زي الحلم ولله 😂
لكن زي أي شركاء بدأ يحصل مشاكل و بحكم مركز نينتندو و مناخيرهم إلي كانت في السماء كانوا عوزين كل حقوق الملكية لتكنولوجيا الأقراص المضغوطة إلي سوني هي طورتها بنفسها و كانت عوزة تستخدمها في حاجات تانية تبعها و طبعا نينتندو قالت لنفسها "إزاي أن شركة سوني تفكر إن الأختراع بتاعها حاجة ممكن تستفيد منها و تجيب بيها فلوس لنفسها، لا إزااااااي إحنا نينتندو و محدش أدناااااا" أو يعني كانوا بيفكروا بالشكل ده 😂
و في مؤتمر الE3 في فترة أول ال٩٠ قامت سوني بالإعلان عن الشركة إلي بينها و بين نينتندو بس اليوم التاني من المؤتمر الE3 نينتندو قررت من نفسها إن الشراكه دي ملغيه و أعلنوا عن الشريك الجديد و هي شركة فيلبس :") أتاري هما قرروا من وراء ظهر سوني إنهم مش عاوزينهم عشان مشكلة تقسيم حقوق ملكية الأقراص المضغوطة و عملوا إتفاق مع فيلبس من وراء ظهر سوني و أعلنوا الخيانة قصدي الإتفاقية بالشكل العجب ده 😂
طبعا سوني شكلها كان مش لطيف بالمرة و كان أبو البلاي ستيشن "كين كوتاراغي" أو المصمم الأساسي للجزء الخاص بالأقراص المضغوطة - و إلي إتعمل ليها جهاز مبدئ علي فكرة أو Prototype - قرر أبو البلاي ستيشن إنو مستسلمش للهزيمة دي و طلب من رئيس شركة سوني وقتها أنو يكمل المشروع و هو جهاز قادر علي لعب الألعاب الإلكترونية بتقنية الأقراص المضغوطة و وافق وقتها رئيس سوني و في ١٩٩٤ في E3 بتاع السنة دي تم إصدار البلاي ستيشن الجيل الأول إلى كان مفاجئة للناس من نحاية شكل الألعاب و طبعا إلي ساعد علي ترويج الجهاز أكتر هو نزول لعبة فينال فانتازي ٧ و إلي كانت سبب أساسي في إنفجار شهرة البلاي ستيشن و طبعا كان في جميز تانية زي كراش بانديكوت و تيكن و سبايرو.... إلخ 😆
و إلي ساعد كمان هو السعر إلى كان في حدود ال٣٠٠ دولار و ده سعر كان يعتبر أقل بكتير من أجهزة الجيمز الأخري في الفترة دي و طبعا زي ما إنتو عارفين إن البلاي ستيشن الجيل الأول عدي ال١٠٠ مليون وحدة مباعة حول العالم و ده إنجاز كبير جدا، غير إن معاملة سوني للمبرمجين كانت غير نينتندو خالص و هما ما صدقوا الصراحة لإن سوني كانت العكس بتاع نينتندو في كل حاجة و كانوا متجاوبين جدا مع المبرمجين بشكل كبير جدا و ده سبب في كبر مكتبة الجيمز بتاعت البلاي ستيشن الأول، فوق الألف لعبة من جميع الأشكال و الألوان و ده كان عدد ماهول بالنسبة للوقت ده 😁
بس بجد أحلى قصة إنتقام دي و لا إيه 😂
للعلم البلاي ستيشن دخل موسعة جينيس بسبب إن سوني باعت أكبر عدد من الأجهزة الخاصة بالجيمز الإلكترونية في العالم و العدد حوالي ٤٥٠ مليون وحدة مباعة من أجهزة البلاي ستيشن من الجيل الأول للجيل الرابع و طبعا المركز الأول يروح للجهاز المحبوب البلاي ستيشن ٢ إلي لوحده باع فوق ال١٥٠ مليون وحدة علي مستوي العالم في وقتة 😁
للعلم البلاي ستيشن دخل موسعة جينيس بسبب إن سوني باعت أكبر عدد من الأجهزة الخاصة بالجيمز الإلكترونية في العالم و العدد حوالي ٤٥٠ مليون وحدة مباعة من أجهزة البلاي ستيشن من الجيل الأول للجيل الرابع و طبعا المركز الأول يروح للجهاز المحبوب البلاي ستيشن ٢ إلي لوحده باع فوق ال١٥٠ مليون وحدة علي مستوي العالم في وقتة 😁
كل سنة و سوني طيبة و كل مبحي البلاي ستيشن طيبين و أحنا في إنتظار نزول البلاي ستيشن ٥ و أتمني يكون الموضوع عجبكم 😃
