رحلتنا القادمة هتكون لكيوتو 😁
كتير منكم بيحب كيوتو و هي مليانة حاجات كتير و عشان كده مواضيع الفترة الجاية هتكون أغلبها علي كيوتو الجميلة 😁
كيوتو معروفة عنها إنها بلد التاريخ الياباني و معروفة بالهدوء و طيبة ناسها و جمال الطبيعة بتاعها و هي كانت يوم من الأيام عاصمة اليابان من فترة ٧٩٤ ميلاديا لحد ١٨٦٨ ميلاديا لحد ما الشوجان نقل العاصمة لتوكيو و عشان كده هي مليانة بالحاجات التاريخية 💁♀️
كيوتو هي سابع أكبر مدينة في اليابان بمعدل ١.٤٧ مليون نسمة عايشين هناك علي خلاف توكيو إلي عدد سكانها حاليا حوالي ٣٨ مليون نسمة (توكيو هي أزحم مدينة للعلم في العالم حاليا) و فيها فوق ال٢٤٠٠ معبد و ميدان جيون الخاص بالجيشا الجميلة و بيوت الشاي التقليدية و قلعة الذهب و الفضة "كينجاكوجي" و "جينجاكوجي" و فيها مدون أقدم لفافة منجا في اليابان و طبعا ستديو الأنمي المحبوب كيوتو أنميماشن و حاجات تانية هاقولكم عليها إن شاء الله في البوستات الجاية فخليكم متابعين 😁
