إحتفال رأس السنة بايابان و عاداتة الخاصة 🎄

هنتكلم في البوست ده عن أهم طرق إحتفالات رأس السنة في اليابان، طبعا في إحتفالات كثيرة بس أنا هاغطي الأهم في البوست ده 😁

الأوشوجاسو هو إحتفال خاص باليابان و معاده هو ١ يناير من كل سنة ميلادية و هو إحتفال موجود من سنة ١٨٧٣ و له طقوس خاصة و هيكون في بوست خاص للحاجات مختلفة من الطقوس دي و واحدة منهم هو وجبة رأس السنة اليابانة و هي تعد من أفخم الواجبات إلي ممكن تشوفها في اليابان 💁‍♀️

الوجبة دي بتكون تحت إسم "أوسيشي ريوري" أو おせち料理 و المعني الحرفي هو "وجبة رأس السنة" و بتكون الوجبة من ٢ ل٣ أدوار في علبة الغداء أو علبة البنتو الفخمة (الغداء بالياباني يعني بنتو علي فكرة) و الترتيب بالشكل الفخم ده زي إلي في الصورة 👌

الغداء ده يمثل زى فال حلو كده من ناحية الثراء و السعادة و من مكونات الغداء الفخم ده لحم و سمك و بيض مقلي بالطريقة اليابانية و مخلل ياباني و خضار و حاجات تانية و طبعا زى ما في الصورة بتكون محضرة بشكل فخم و فيه نوع من أنواع الفن الجميل في تحضير الغداء يمكن يكون الأرقى بين فنون زينة الأكل الياباني إلي شفتها لحد دلوقتي 💖

واحدة من العادات دي هي زيارة معابد الشنتو أو البوذية في أول ٣ أيام في السنة الميلادية و الزيارة دى إسمها هاتسوموده أو 初詣 💁‍♀️

يقوم اليابانين بالذهاب إلي المعابد الخاصة بديانة الشنتو أو البوذية من أجل الصلاه لآلهه المعبد و طلب الأماني زي النجاح في الإمتحانات أو الصحة للأهل أو المال الوفير أو الحب... إلخ و في اليوم ده يباع تميمات للحظ و الحب و الصحة.... إلخ و في الغالب بيكون فيه أكشاك للأكل الخاصة بالإحتفالات اليابانية ⛩️

في الفترة دي كمان في تقليد تآني و هو لبس اليوكاتا الخاص بالعيد و في الغالب ده بيكون شتوي و لكن هو مش أساسي لكن البنات اليابانيات بيحبوا يلبسوه مع الزينة الخاصة باليوكاتا لأنها بتكون فرصة كويسة لإرتداء اللبس التقليدي الياباني اللطيف ده ❤️

برقيات السنة الجديدة أو نينجاجو أو 年賀状 و حرفيا المعنى بتاع الكانجي ده هو كارت/برقية رأس السنة 💁‍♀️

بدايات التقليد ده كان من أيام عصر الهييان (من سنة ٧٩٤ لسنة ١١٨٥) لما كان الأنبال بيراسلوا رسائل تهنئة لمعارفهم إلي كانوا في مناطق بعيده عنهم مع رسول خاص بيهم لتوصيل رسالة التهنئة دي و لحد النهارده في اليابان البرقيات دي بتتبعت في البريد التقليدي مع العلم إن العدد بيقل سنويا بسبب إستخدم التكنولوجيا في شكل الe-cards و لكن لسه في ناس بتستخدم البرقيات العادية لحد النهارده، في إحتفال رأس السنة اليابانية في ٢٠١٩ كان في حوالي ٢ بليون كارت تم إرسالهم عن طريق البريد يعني بمتوسط ١٥ بطاقة للفرد الواحد 😮

في الأصل الكروت دي بتتبعت لأي حد من المعارف و لكن في الغالب بيكونوا الأهل و الأصدقاء و الناس إلي كان في غياب عنهم من ناحية التواصل معاهم، و من ناحية الزوق و الأدب لو جه ليك برقية تهنئه لازم يكون ليها رد ببرقية برضة زيها و الأفضل بعت البرقية دي في نص شهر ١٢ عشان تلحق توصل يوم ١ يناير للأشخاص المرسل ليهم التهنئة بالسنة الجديدة، أنا شخصيا حبه الفكرة جدا حتي لو قديمة شوية بالنسبة لجيل مستخدمي التكنولوجيا الحديثة 😁

الهاستوهينوده أو 初日の出 أو أول شروق للشمس في السنة الجديدة 💁‍♀️

أجازة رأس العام في اليابان بتكون حوالي أسبوع و بتكون من أخر ٣ أو ٤ أيام في السنة السابقة و أول ٣ أو ٤ أيام في السنة الجديدة و الفترة دي إسمها أوشوجاستو أو お正月 و هي بتكون فترة لتجمع العائلة و الأقارب للإحتفال، للعلم كتير من شباب اليابان بيكونوا عايشين لوحدهم في طوكيو في إستديو صغير لإن أكتر فرص للشغل في الشركات الكبيرة بتكون في طوكيو و عشان كده أجازة الأوشوجاسو بتكون مهمة لإنها الأجازة الأساسية لشباب دول عشان يشوفوا أهلهم في الأعياد 💁‍♀️

و في فترة الأجازة دي بيكون في زي تقليد مع العائلة و الأهل لمشاهدة شروق شمس السنة الجديدة و لوجود إعتقاد إن في أول شروق للشمس في السنة الجديدة بيشرق معاها إله الحصاد "توشيجامي ساما" و إنتظار شروق الشمس في السنة الجديدة زي ترحب بيه، غير كده في إعتقاد إن مشاهدة شروق الشمس في السنة الجديدة يعد جالب حظ كويس و عشان كده يوم ليلة رأس السنة بيكون يوم اليابان كلها مبتنامش خالص فيه عشان التقليد ده، طبعا في ناس مش بتعرف تسهر الفترة دي فكتير بيتعبوا و بيناموا بعد إستسلام للتعب بتاع السهر إلي مش متعودين عليه ده 😂

دي هتكون أخر حاجة تخص إحتفالات رأس اليابانية و للعلم دي مش كل العادات بتاع الإحتفال ده في اليابان بس قررت إني أحوش حاجات بقي للسنة الجاية و علينا خير 😁

التقليد بتاع المرة دي هو عن زينة رأس السنة في اليابان و دي بتكون معلقة علي الأبواب من برة زي الزينة الخاصة بأعياد الميلاد المسيحية كده و لكن الزينة دي لها معني و رمز تآني و هي التطهير في ديانية الشنتو و المقصود بده هو طرد الأوني أو الأرواح الشريرة من المكان إلي موجود فيه الزينة دي المصنوعة من قش الرز و السبب في وجود الزينة دي ممكن كمان عشان الترحيب بتوشيجامي و ده إلهه من آلهه ديانية الشينو و عشان لازم أمكان زيارة الآلهه تكون فيها طاهرة من الأرواح الشريرة و الوحوش ⛩️

و بكده نكون عمنا تغطية لحاجات خاصة بالإحتفال رأس السنة اليابانية و أتمني يكون الحاجات إلى قمت بتغطيها نالت إعجابهم 😁