النهارده هنتكلم في مشكلة الشغل في اليابان و سبب ظاهرة الإنتحار من ضغوط الشغل و إيه علاقتها بقلة الزواج و قلة الإنجاب و المشكلة الإقتصادية الحالية في اليابان و هي مشكلة كبيرة جدا و في الوقت الحالي نسبة المواليد قليلة جدا لدرجة إن في عدد من المدراس بدأت تقفل من قلة عدد الطلبة 😥
من زمان و اليابان بتعتمد بشكل أساسي علي فكرة المجتمع أو فكرة إن نجاة المجتمع أهم من الفردية و هي فكرة كويسة و مش وحشة و لكن في بعض الأحيان ممكن بيكون في مشاكل فردية لشخصا ما و مش عارف يتعامل معاها إزاي، ظروف الشغل في اليابان فيها المشكلة دي، الشغل في اليابان بيكون بمجهود الفريق إلي تابع لقائد معين و في قواعد في الشغل زي أحترام القائد و ده مطلوب و لكن في بعض الأحيان بيكون الإحترام ده بشكل زيادة يعني مثلا لو خصلت شغلك قبل المدير بتاعك لازم تفضل في الشغل لحد ما هو يشمي أو لو في 飲み会 أو نومي كاي و هي زي خروجة المدير مع الفريق بتاعة في أمكان للأكل و شرب الساكي فلازم تروح و لو ماروحتش ممكن الشخص ده يتعرض للتنمر في الشغل و في أمكان كمان بيكون فيها ساعات زيادة في الشغل دون تعويض مادي ممكن يوصل ل٣ أو ٤ ساعات عمل زيادة أو شغل في أجازة أخر الأسبوع و ده ملحوظ جدا في مجال شغل الموظف الياباني أو مصطلح الSalary Man الشهير جدا في اليابان 👨💼
يعني نقول إن كتير من شغل اليابانين بيكون من ٨ الصبح ل٨ بليل و لو في شغل زيادة ممكن يخلصوا علي ١٠ و ١١ بليل غير النومي كاي و ده يوصل إن ناس كتير إنها بترجع البيت مش قبل نص الليل و علي ٦ الصبح يصحوا و يكرروا اليوم بنفس التفاصيل دي و ده يوصل لحالة من الإرهاق الجدسي و النفسي الغير عادي و كتير كمان مش بياخدوا إي أجارات مع إن عندهم رصيد إجازات سنوية إلا إنهم إتبرمجوا علي نوعية الحياة دي و إن الشغل هو إلي يصنع الإنسان أو يكسره، غير الأحساس بالذنب لو حد تاني عمل الشغل بتاع شخص آخر في وقت أجازة صاحب الإجازة دي و ده كده هيأثر بشكل سلبي في بيئة المجتمع الياباني بشكل فية أنانية 😥
طبعا مع قلة الوقت و الإحتكاك البشري مش هيكون في وقت للتعارف من إجل إنشاء علاقات للزواج أو وقت للتفرغ للخلفة و تربية الأطفال فوق كل ده المرتبات ضعيفة بشكل كبير للشباب الصغير كمان بالنسبة للحياة الغالية في اليابان، و كمان في حالة التعارف بين الرجال و السيدات في الرجال ليهم أفضلية لنوع معين من السيدات إلي هن كيوت و بيتوتيه و لكن في اليابان كتير من السيدات حاليا عندهن شغلهن الخاص و بتكون شخصية عملية أكتر و نوعية الشخصية دي مش محبوبة من شعبة ليست بالقليل من الرجال في المجتمع الياباني 🤷♀️
فوق كل ده رغبة الشباب في الإرتباط بتقل و جزء منها يرجع برضة لطبيعة أنواع الترفيه في اليابان و حتي أعتقد ممكن منكم سمع عن ناس أتجوزوا شخصيات خيالة من جيمز أو علي علاقة رومانسيه بدمية زي الشخص إلي أتجوزت هاتسونه ميكو و هي مغنية أفتراضية معموله في برنامج إسمه vocaliod كانت عشان الشباب إلي حابب يكتب أو يخرج أغانى بتكلفة مادية بيسطة و ليها منتجات خاصة بيها و حرفيا الزوجة عبارة عن دمية :")
طبعا في إزمة أقتصادية كبيرة حاليا، في شغل كتير و مع إن نسبة البطالة في اليابان أقل من ٣٪ بس إلا إن قصاد كل ١٠٠ فرد في حوالي ١٦٠ شغلانة متاحة و حاليا حتي في بعض المجالات إلي بتستعين بشغل فري لانس من دول أخري زي مجال صناعة الأنمي مثلا، في فري لانسر من الصين و الهند و دول أخري شغالة عن طريق النت بالرسم ديجيتال و مع إستديوهات كبيرة كمان، غير إن حوالي تلت شعب اليابان فوق سن ال٦٠ و معناه إن في خلال ٢٥ ل٣٠ سنة متوقع إن عدد اليابانين هيقل حوالي من ٣٠ ل٤٠ مليون فرد و دي مشكلة حقيقية و كمان في خلال ال١٠ ل١٥ سنة الجاين هيكون في ناس فوق سن معين و عندهم مشاكل صحية و طبعا هيكون ليهم أهتمامات خاصة و طبعا محتاجين شباب يخلي بالهم منهم و لكن عدد المواليد بتقل و الضرائب بتزيد و طريقة نظر اليابانين للزواج بقت أكتر زي عاله من إنها تكملة للحياة الطبيعية 🤦♀️
هو في محاولات من أجل تقليل عدد ساعات العمل و حتي ميكروسوفت في فرع اليابان جربت تشغل الناس ٤ أيام في الإسبوع و الإنتاجية زادت حوالي ٤٠٪ و في شركات بتحاول تفرض مواعيد أخرها ٦ مسائا و في ترويج أكتر للفرص الراحة و حتي اليابان بتحاول تصرف علي مشاريع لتعارف الشباب ببعض عن طريق الSpeed Dating و لكن الحاجات دي ماشية بشكل بطئ جدا و للأسف لو أقتصاد اليابان أتأثر هيأثر في أقتصاد العالم بحكم إنها دولة من دول الكبار السبع و طبعا كمان كتر الشغل سبب في ظاهرة الإنتحار بسبب ضغوط الشغل العالية و اليابان تعد واحدة من الدول المتقدمة إلي عندها نسبة إنتحار عالية بسبب ضغط الشغل النفسي علي الشباب دول 😥
أتمني المشكلة دي تتحل فعلا و أتمني إن اليابان تتجاوز المشكلة دي لإنها فعلا مشكلة حقيقة و خطيرة مش بس علي اليابان و لكن علي العالم كمان 😓
