الأنمي حاجة كلنا بنحبها لكن هل تعرفوا إن في جانب مظلم لصناعة الأنمي في اليابان 😔
اليابان بتعمل فوق ال١٠٠ أنمي في السنة و طبعا الناس متخيلة إن في ناس كتير شغاله في المجال ده، الحقيقة لا بالعكس العدد بتاع محركي الإنمي قليل و بيقل مع الوقت و بيحصل out sourcing من دول تانية في التحريك زي الصين و الهند و حتي في حتت زي إمريكا كمان 😢
طب ليه عدد المحركين قليل 🤔 ؟
السبب قلة المرتب و بيكون في حدود أقل من ١٠٠٠٠ دولار سنويا و طبعا ضغط الشغل إلي بيوصل ل١٥ ساعة يوميا من غير أجازات إسبوعية كمان🤦♀️
الرسام بتاع التحريك بيقبض بعدد الرسومات إلي عملها و إلي سعرها بيكون ٢٠٠ ين أو ٢ دولار في الرسمه الواحده و متوسط الحلقة ٣٠٠٠ رسمه 😱
نقدر نقول إن فريق إنتاج الأنمي كبير و بيكون بين مخرج لمساعد مخرج لمشرف علي الرسوم علي ستوري بورد علي محركين key frames و محركين in-between frames... إلخ 😱 أكيد مش كل الناس هتفهم إيه المصطلحات دي لكن نقدر نقول إن المتوسط بتاع فريق العمل حوالي ١٠٠ فرد مثلا 😭
و لو هنقول عدد الرسومات في حلقة أنمي واحدة بتكون حوالي ٣٠٠٠ رسمه أو لقطة مرسومه غير الخلفيات طبعا و لو حاجة في جودة عالية زي هجوم العمالقة الحلقة كانت فيها بال٥٠٠٠ و ١٠٠٠٠ رسمه و كل ده مرسوم يدوي (مع العلم إن كتير من الجيل الجديد و الناس إلي شغاله بره اليابان حاليا بتفضل الرسم بالكمبيوتر عشان طبيعة شغل الرسامين بيكون أيام بين البيت و المكتب) و طبعا مع عدد الرسومات الرهيبة دي و طبعا لسه في تلوين و مؤثرات مرئية و حاجات فيها جرافيك و حاجات 3d و تأكيد إن اللقطة صح و إن مفيش إعدادات و التصليحات.... إلخ 😫
أنا عارفة حوار مشاكل الرسوم المتحركة دي شخصيا لإني نزلت في فترة في إستديو لتحريك مسلسل سنوحي و حصل ليا مشكلة في إيدي من الرسم الكتير و معرفتش أكمل في المجال ده وقت ما كان في مصر التحريك لسه كله 2d لكن حاليا الإتجاه ده أختفي و كله شغال بال3d و للأسف مش عندي خبره في نوعية التحريك دي لكن أنا حسة بالمعناه بتاعت راسمين الإنمي 💔
برضه الفلوس كانت قليلة جدا و الشغل كتير و مطلوب بجودة معنية و ده كان سبب إني أسيب المجال و مكنتش عوزه أرجع له مرة تانية و شباب كتير من بتوع تحريك الأنمي برضه بيسيبوا المجال لنفس الأسباب دي و نفس فكرة المرتب القليل و طول ساعات العمل إلى في مصر كانت بتوصل ل١٢ ل ١٤ ساعة و في اليابان حوالي ١٤ ل١٥ ساعة و حتى كان في أيام كانت الناس بتبات في الإستديوهات عشان يلحقوا يخلصوا الشغل و الكلام ده في مصر و اليابان برضه مع الفرق إن مصر مش بتعمل out scouring، لا!! الدول العربية هي إلي بتستعين بمصر و برضه بمرتب مش عالي أوي برضة بالذات للشباب الصغير 😭
طب إيه إلي بيخلي الناس دول تكمل 🤔 ؟
حبهم للرسم و الرسوم المتحركة و إن عندهم شغف كبير للموضوع ده و للأسف مفيش تقدير للناس دي و معظم الناس بتركز بس في حاجات سطحية جدا و مش بتركز علي المجهود بتاع راسمين التحريك مع العلم إن في اليابان الدفع بيكون عن طريق عدد الرسومات المرسومه مش بمرتب شهري 😱
الإستديو الوحيد إلي أعرف إنو بيدي مرتب شهري ثابت مش بعدد الرسومات و شغله في المعقول و الجو بتاعه مش فيه توتر شديد هو ستديو كيوتو إلى محبوب جدا بين محبي الأنمي و إلي تم الهجوم عليه من شخص مختل عقليا و كان سبب في حريق الإستديو و بسببه فنانين تحريك كتير ماتوا أو إتأذوا و ضاع شغل كتير كان متخزن في الإستديو للأسف في شهر ٧ لعام ٢٠١٩ 💔
بينما في إستديوهات زي ستديو Mad house إلي دخل في مشاكل علي الميديا الإجتماعية بسبب قلة الرواتب و طول ساعات العمل إلي بيفرضوها علي الناس إلي شغاله عندهم لما دخل رسام تحريك المستشفى بسبب ضغط الشغل و التوتر بتاع عدم دفع المرتب كمان و الخبر ده لما نزل في شهر ٤ لعام ٢٠١٩ عمل ضجه كبيرة في العالم و بدأت الناس تعرف أكتر عن طبيعية شغل راسمين التحريك في اليابان 😔
طب هل في إي تغير للوضع ده 🤔 ؟
للأسف مفيش 💔
اليابان ماشيه بالنظام ده من أيام أوسامو تيزوكا الأب الروحي للأنمي الحديث و المنجا (هو إلي قدم فكرة التحريك المحدود بتاع الإنمي و ده عاوز موضوع لوحده) و نقدر نقول إن مجال الأنمي في خطر لو مفيش تعديل للظروف القاسية دي و حتي في مصر أهو سوق التحريك تقربيا أختفي خالص و أتمنى ده ميحصلش في مجال الأنمي 💔
اليابان بتعمل فوق ال١٠٠ أنمي في السنة و طبعا الناس متخيلة إن في ناس كتير شغاله في المجال ده، الحقيقة لا بالعكس العدد بتاع محركي الإنمي قليل و بيقل مع الوقت و بيحصل out sourcing من دول تانية في التحريك زي الصين و الهند و حتي في حتت زي إمريكا كمان 😢
طب ليه عدد المحركين قليل 🤔 ؟
السبب قلة المرتب و بيكون في حدود أقل من ١٠٠٠٠ دولار سنويا و طبعا ضغط الشغل إلي بيوصل ل١٥ ساعة يوميا من غير أجازات إسبوعية كمان🤦♀️
الرسام بتاع التحريك بيقبض بعدد الرسومات إلي عملها و إلي سعرها بيكون ٢٠٠ ين أو ٢ دولار في الرسمه الواحده و متوسط الحلقة ٣٠٠٠ رسمه 😱
نقدر نقول إن فريق إنتاج الأنمي كبير و بيكون بين مخرج لمساعد مخرج لمشرف علي الرسوم علي ستوري بورد علي محركين key frames و محركين in-between frames... إلخ 😱 أكيد مش كل الناس هتفهم إيه المصطلحات دي لكن نقدر نقول إن المتوسط بتاع فريق العمل حوالي ١٠٠ فرد مثلا 😭
و لو هنقول عدد الرسومات في حلقة أنمي واحدة بتكون حوالي ٣٠٠٠ رسمه أو لقطة مرسومه غير الخلفيات طبعا و لو حاجة في جودة عالية زي هجوم العمالقة الحلقة كانت فيها بال٥٠٠٠ و ١٠٠٠٠ رسمه و كل ده مرسوم يدوي (مع العلم إن كتير من الجيل الجديد و الناس إلي شغاله بره اليابان حاليا بتفضل الرسم بالكمبيوتر عشان طبيعة شغل الرسامين بيكون أيام بين البيت و المكتب) و طبعا مع عدد الرسومات الرهيبة دي و طبعا لسه في تلوين و مؤثرات مرئية و حاجات فيها جرافيك و حاجات 3d و تأكيد إن اللقطة صح و إن مفيش إعدادات و التصليحات.... إلخ 😫
أنا عارفة حوار مشاكل الرسوم المتحركة دي شخصيا لإني نزلت في فترة في إستديو لتحريك مسلسل سنوحي و حصل ليا مشكلة في إيدي من الرسم الكتير و معرفتش أكمل في المجال ده وقت ما كان في مصر التحريك لسه كله 2d لكن حاليا الإتجاه ده أختفي و كله شغال بال3d و للأسف مش عندي خبره في نوعية التحريك دي لكن أنا حسة بالمعناه بتاعت راسمين الإنمي 💔
برضه الفلوس كانت قليلة جدا و الشغل كتير و مطلوب بجودة معنية و ده كان سبب إني أسيب المجال و مكنتش عوزه أرجع له مرة تانية و شباب كتير من بتوع تحريك الأنمي برضه بيسيبوا المجال لنفس الأسباب دي و نفس فكرة المرتب القليل و طول ساعات العمل إلى في مصر كانت بتوصل ل١٢ ل ١٤ ساعة و في اليابان حوالي ١٤ ل١٥ ساعة و حتى كان في أيام كانت الناس بتبات في الإستديوهات عشان يلحقوا يخلصوا الشغل و الكلام ده في مصر و اليابان برضه مع الفرق إن مصر مش بتعمل out scouring، لا!! الدول العربية هي إلي بتستعين بمصر و برضه بمرتب مش عالي أوي برضة بالذات للشباب الصغير 😭
طب إيه إلي بيخلي الناس دول تكمل 🤔 ؟
حبهم للرسم و الرسوم المتحركة و إن عندهم شغف كبير للموضوع ده و للأسف مفيش تقدير للناس دي و معظم الناس بتركز بس في حاجات سطحية جدا و مش بتركز علي المجهود بتاع راسمين التحريك مع العلم إن في اليابان الدفع بيكون عن طريق عدد الرسومات المرسومه مش بمرتب شهري 😱
الإستديو الوحيد إلي أعرف إنو بيدي مرتب شهري ثابت مش بعدد الرسومات و شغله في المعقول و الجو بتاعه مش فيه توتر شديد هو ستديو كيوتو إلى محبوب جدا بين محبي الأنمي و إلي تم الهجوم عليه من شخص مختل عقليا و كان سبب في حريق الإستديو و بسببه فنانين تحريك كتير ماتوا أو إتأذوا و ضاع شغل كتير كان متخزن في الإستديو للأسف في شهر ٧ لعام ٢٠١٩ 💔
بينما في إستديوهات زي ستديو Mad house إلي دخل في مشاكل علي الميديا الإجتماعية بسبب قلة الرواتب و طول ساعات العمل إلي بيفرضوها علي الناس إلي شغاله عندهم لما دخل رسام تحريك المستشفى بسبب ضغط الشغل و التوتر بتاع عدم دفع المرتب كمان و الخبر ده لما نزل في شهر ٤ لعام ٢٠١٩ عمل ضجه كبيرة في العالم و بدأت الناس تعرف أكتر عن طبيعية شغل راسمين التحريك في اليابان 😔
طب هل في إي تغير للوضع ده 🤔 ؟
للأسف مفيش 💔
اليابان ماشيه بالنظام ده من أيام أوسامو تيزوكا الأب الروحي للأنمي الحديث و المنجا (هو إلي قدم فكرة التحريك المحدود بتاع الإنمي و ده عاوز موضوع لوحده) و نقدر نقول إن مجال الأنمي في خطر لو مفيش تعديل للظروف القاسية دي و حتي في مصر أهو سوق التحريك تقربيا أختفي خالص و أتمنى ده ميحصلش في مجال الأنمي 💔
