معا مرة أخرى فى البوسات الخاصة بالأمكان و الحاجات المشهورة في كيوتو و النهارده هنتكلم عن آقدم مخططة رسم منجا يابانية مسجلة في التاريخ الياباني و إلي موجودة في معبد "كوزان جي" البوذي و إلي يعد واحد من أهم الأماكن إلي المفروض تشوفوها لو روحتوا كيوتو، المعبد ده في مكان كلة خضره بحكم أنه مبني علي جبل و مليان بحاجات تاريخية 💁♀️
المعبد ده تم بنانه بالحكم من الإمبراطور الياباني وقتها من أجل هدية له عشان تتحط فيه و هي مخطوطة و هي بعنوان "شوجو جيبوستو جيجا" إلي كانت بتحكي عن مغامرات الحيوانات بشكل كوميدي عن طريق تجسيدها بشكل قريب للبشر زي الخناقة بين القرد و الأرنب زي إلي في الصورة الخاصة بالبوست و لكن المخطوطات دي ليها كذا عدد و كل عدد له قصة أو مغامرة خاصة بيها و لكن التركيز الأساسي بتاعها هو إن الشخصيات الأساسية بتاعها من الحيونات إلي بتمارس أنشطة يومية يابانية زي حيونات في لبس قسيس معبد البوذية و تأدية الطقوس الخاصة بالبوذية أو دخول الحيوانات مبارة في رياضة السومو أو مشاركة الحيونات دي في الإحتفالات اليابانية التقليدية أو أوماستوري 💁♀️
المخطوطة دي تعد أقدم منجا أو بمعني آخر أقدم مخطوطة يابانية بتقدم فكرة حكاية من خلال رسومات في التاريخ الياباني، في الغالب هي رسمت من كذا رسام عشان إسلوب الرسم المختلف بين كل جزء و التاني و يمكن المخطوطة كانت المؤثر الأساسي في إسلوب قرائة المنجا إنها بتقرأ من اليمين لليسار عن طريق الكتابة الأفوقية و تم بناء قصص و رويات في العصر الحديث مستوحاه من المخطوطات دي 🏯
تعد المخطوطات دي كنز وطني لليابان بحكم قدمها إلي يقال إنها إترسمت بين القرن الثاتي عشر و الثالث عشر و أحجام المخطوطات دي مختلفة و واحده منهم مثلا حوالي ١١ متر طولا و عرضها ٣٠ سنتي، فعلا أكيد أخدت مجهود كبير جدا عشان رسم المخطوطة دي و أكيد كان ليها تحضير كبير قبل رسمها 💪
لو روحتوا كيوتو أكيد لازم تشوفوا أقدم منجا في التاريخ و تشوفوا مغامرات الحيونات اللطيفة دي 😁
